بسم الله الرحمن الرحيم
السلام عليكم
فى اطار حملة التعايش التى بدأت نذ يومين ومستمره ان شاء الله لنهاية ال 7 ايام
الفتره التى حددت لها مسبقا ومن ثم اجراء استطلاع لرأى الاعضاء فى فكرتهم عن التعايش
كان لزام ان يكون هنالك بعض الفعاليات البعيده عن القرأءه بدأها موروشو فى يوميات الاعضاء
برنامج كلنا واحد ,, وساهم فيها قسم الابداعات الادبيه بقصيده جماعيه ولا اروع
يمكنكم متابعة جديد الحمله دوما من خلال
http://forums.banatmisr.com/msryat372697/
ــــــــــــــــــــــــــــــــــــــــــــــــــ ــــــ
النهارده قسم بقلم الاعضاء بيشارك كتابه احدى فعاليات الحمله وبما ان القسم ليه طابع خاص جدا
فاكيد الفعاليات اللى هيقوم بيها هيكون ليها نفس الطابع الخاص ده
كتابنا افكارهم مختلفه تناولهم للمواضيع مختلف ,, بنسعد باحتواء ابداع اقلامهم من وقت للتانى
علشان كده هم قادرين يعبروا لنا بصدق عن تجارب حياتيه خاصه بيهم جمعتهم مع معنى التعايش
موقف مريت بيه ,, موقف حضرته ,, موقف تابعته ,, فى الاخير شكل عندك تجربه
تجربتك الخاصه مع التعايش
مطلوب ان كل واحد يحكيلنا تجربته الخاصه فى التعايش مع الاخرين سواء اختلاف الجنسيات او اختلاف الاديان
,, ومن منطلق (( ابدأ بنفسك )) قررت ان اول االتجارب تكون منى
فى يوم 1 يناير 2011 كنت فى الجيش وكان عندى خدمه 2 بوابه ,, اللى دخلوا الجيش بس هم اللى هيفهموا يعنى ايه 2 بوابه فى يناير
الخدمه دى بتبقى مزدوجه لانك مسؤول عن بوابة الوحده الرئيسيه ,, كان معايا فى الوقت صديق محترم جدا كان لسه جاى الوحده مكملشى كام اسبوع ,, وانا كان بقالى اكتر من سنه
كان اسمه اندرو ,, مهندس كمبيوتر ,, معروف بهدوؤه وطيبته ,,, طبعا علشان الخدمه تعدى بنفضل نتكلم فى اى حاجه واهو علشان منحسش برده بالبرد
استأذنت منه قلتله انا حروح الحمام لو حد سأل عليا انت فاهم هتقول ايه ,, رحت الحمام لقيت عيل فقرى من اللى حيمسكوا الخدمه بعدنا كان بيكلم خطيبته فى الموبايل ,, بيوقلى الحق يا سيد
فجروا كنيسه فى اسكندريه ,, قلتله الله يسد نفسك انتى واللى بتكلمها ,, طب اتخمد نام علشان مفضلشى كتير وحتقوم تتنيل تمسك خدمتك
وانا رايح على الخدمه تانى ,, بقيت والله العظيم ما عارف اقول ايه ,, بس لاول مره اكون خزيان من حاجه انا معملتهاش ,, بقى معقول بدل ما اقوله كل سنه وانت طيب يا اندرو ,, اقوله كنيسه عندكو اتفجرت البقيه فى حياتك
الله يخربيت التخلف لبيت التعصب لبيت التشدد لبيت التطرف ,, اللى فهم الناس انك لما تقتل ناس بيتعبدوا يبقى ده جهاد ,,,
رحت وانا حاطط فى بالى انى مش حجيب سيره وكده كده هو هيبقى يعرف ,, بس اساسا حلاقى كلام ايه اقوله ,, فى 2010 نفس الموضوع حصل فى الصعيد يوم 1 يناير ,, فى 2011 نفس القصه تعاد ,, ايه هى الناس دى لازم نحييهم كل اول سنه بمصيبه
لما رجعت لقيته عرف ,, منين مش عارف ,, بس طبعا باقى الخدمه كنت حاسس انى انا السبب فى تفجير الكنيسه ,,,
ــــــــــــــــــــــــــــــــــــــــــــــــــ ــــــ
موقف تانى كان حصل برده واحنا فى الجيش ويوم الجمعه كان اللى بيخطبها الشيخ بسام ,,, شاب زى العسل كان اخوان وبقى سلفى ,, مفيش مره طلعنا مع بعض خدمه الا لا نفصص الحاله السياسيه فى مصر ,,, متفتح جدا بس اول تعارفى معاه كان يوم الجمعه اللى بقولكم عليه ده
طلع يخطب ,, بصراحه استغربت ,, ايه الجرأه دى عسكرى مستجد لسه مكلشى شهرين وطلع يخطب على طول كده ,, بسم الله ما شاء الله
سمعت الخطبه وفى نهايتها ,, دعا على اليهود والنصارى ,,, لقيتنى مش عارف اقول امين , وافتكرت الواد جرجس والواد اندرو وغيرهم من صاحبنا اللى معانا فى الوحده
بعد الجمعه ما خلصت قابلته فى الكانتين ,, بقوله يا شيخ باسم ,, ياترى كنت تقصد بالنصارى اللى دعيت عليهم مين ,, جرجس واندرو (( كان زميله فى القسم )) والا منير والا .....
لقيته سكت ,, وقالى انا اسف ,, مقصدتش بس ,, وراح ساكت
عرفت ان للاسف فى حاجات كتير من كتر التلقين بقينا بنعملها من غير ما نفكر
وطول السنه اللى قعدتها بعد كده مع الشيخ باسم مسمعتوش بيدعى فى خطبة الجمعه على النصارى تانى ,, بل بالعكس من اقرب الصحاب ليه من عساكر القسم كان اندرو
,, افتكر حاجه يمكن متسمعوش كتير عنها ,, بس دى حقيقه ,, العساكر المسيحيين فى الجيش تقريبا بيصوموا زينا
بيتكسفوا ياكلوا قدامنا فيجرحوزا صيامنا ,, فبيضطروا لو اكلوا يكون فى اضيق الظروف وفى مكان بحيث اننا منشوفهمشى ,, محدش فرض عليهم ولا حد قالهم اعملوا كده ,,
كانوا بيعملوا كده من نفسهم ,,, دى ابسط حاجه ممكن اشارك بيها عن تجربتى الخاصه مع التعايش
فى انتظار تجاربكم ومواقفكم
بالتوفيق
السلام عليكم
فى اطار حملة التعايش التى بدأت نذ يومين ومستمره ان شاء الله لنهاية ال 7 ايام
الفتره التى حددت لها مسبقا ومن ثم اجراء استطلاع لرأى الاعضاء فى فكرتهم عن التعايش
كان لزام ان يكون هنالك بعض الفعاليات البعيده عن القرأءه بدأها موروشو فى يوميات الاعضاء
برنامج كلنا واحد ,, وساهم فيها قسم الابداعات الادبيه بقصيده جماعيه ولا اروع
يمكنكم متابعة جديد الحمله دوما من خلال
http://forums.banatmisr.com/msryat372697/
ــــــــــــــــــــــــــــــــــــــــــــــــــ ــــــ
النهارده قسم بقلم الاعضاء بيشارك كتابه احدى فعاليات الحمله وبما ان القسم ليه طابع خاص جدا
فاكيد الفعاليات اللى هيقوم بيها هيكون ليها نفس الطابع الخاص ده
كتابنا افكارهم مختلفه تناولهم للمواضيع مختلف ,, بنسعد باحتواء ابداع اقلامهم من وقت للتانى
علشان كده هم قادرين يعبروا لنا بصدق عن تجارب حياتيه خاصه بيهم جمعتهم مع معنى التعايش
موقف مريت بيه ,, موقف حضرته ,, موقف تابعته ,, فى الاخير شكل عندك تجربه
تجربتك الخاصه مع التعايش
مطلوب ان كل واحد يحكيلنا تجربته الخاصه فى التعايش مع الاخرين سواء اختلاف الجنسيات او اختلاف الاديان
,, ومن منطلق (( ابدأ بنفسك )) قررت ان اول االتجارب تكون منى
فى يوم 1 يناير 2011 كنت فى الجيش وكان عندى خدمه 2 بوابه ,, اللى دخلوا الجيش بس هم اللى هيفهموا يعنى ايه 2 بوابه فى يناير
الخدمه دى بتبقى مزدوجه لانك مسؤول عن بوابة الوحده الرئيسيه ,, كان معايا فى الوقت صديق محترم جدا كان لسه جاى الوحده مكملشى كام اسبوع ,, وانا كان بقالى اكتر من سنه
كان اسمه اندرو ,, مهندس كمبيوتر ,, معروف بهدوؤه وطيبته ,,, طبعا علشان الخدمه تعدى بنفضل نتكلم فى اى حاجه واهو علشان منحسش برده بالبرد
استأذنت منه قلتله انا حروح الحمام لو حد سأل عليا انت فاهم هتقول ايه ,, رحت الحمام لقيت عيل فقرى من اللى حيمسكوا الخدمه بعدنا كان بيكلم خطيبته فى الموبايل ,, بيوقلى الحق يا سيد
فجروا كنيسه فى اسكندريه ,, قلتله الله يسد نفسك انتى واللى بتكلمها ,, طب اتخمد نام علشان مفضلشى كتير وحتقوم تتنيل تمسك خدمتك
وانا رايح على الخدمه تانى ,, بقيت والله العظيم ما عارف اقول ايه ,, بس لاول مره اكون خزيان من حاجه انا معملتهاش ,, بقى معقول بدل ما اقوله كل سنه وانت طيب يا اندرو ,, اقوله كنيسه عندكو اتفجرت البقيه فى حياتك
الله يخربيت التخلف لبيت التعصب لبيت التشدد لبيت التطرف ,, اللى فهم الناس انك لما تقتل ناس بيتعبدوا يبقى ده جهاد ,,,
رحت وانا حاطط فى بالى انى مش حجيب سيره وكده كده هو هيبقى يعرف ,, بس اساسا حلاقى كلام ايه اقوله ,, فى 2010 نفس الموضوع حصل فى الصعيد يوم 1 يناير ,, فى 2011 نفس القصه تعاد ,, ايه هى الناس دى لازم نحييهم كل اول سنه بمصيبه
لما رجعت لقيته عرف ,, منين مش عارف ,, بس طبعا باقى الخدمه كنت حاسس انى انا السبب فى تفجير الكنيسه ,,,
ــــــــــــــــــــــــــــــــــــــــــــــــــ ــــــ
موقف تانى كان حصل برده واحنا فى الجيش ويوم الجمعه كان اللى بيخطبها الشيخ بسام ,,, شاب زى العسل كان اخوان وبقى سلفى ,, مفيش مره طلعنا مع بعض خدمه الا لا نفصص الحاله السياسيه فى مصر ,,, متفتح جدا بس اول تعارفى معاه كان يوم الجمعه اللى بقولكم عليه ده
طلع يخطب ,, بصراحه استغربت ,, ايه الجرأه دى عسكرى مستجد لسه مكلشى شهرين وطلع يخطب على طول كده ,, بسم الله ما شاء الله
سمعت الخطبه وفى نهايتها ,, دعا على اليهود والنصارى ,,, لقيتنى مش عارف اقول امين , وافتكرت الواد جرجس والواد اندرو وغيرهم من صاحبنا اللى معانا فى الوحده
بعد الجمعه ما خلصت قابلته فى الكانتين ,, بقوله يا شيخ باسم ,, ياترى كنت تقصد بالنصارى اللى دعيت عليهم مين ,, جرجس واندرو (( كان زميله فى القسم )) والا منير والا .....
لقيته سكت ,, وقالى انا اسف ,, مقصدتش بس ,, وراح ساكت
عرفت ان للاسف فى حاجات كتير من كتر التلقين بقينا بنعملها من غير ما نفكر
وطول السنه اللى قعدتها بعد كده مع الشيخ باسم مسمعتوش بيدعى فى خطبة الجمعه على النصارى تانى ,, بل بالعكس من اقرب الصحاب ليه من عساكر القسم كان اندرو
,, افتكر حاجه يمكن متسمعوش كتير عنها ,, بس دى حقيقه ,, العساكر المسيحيين فى الجيش تقريبا بيصوموا زينا
بيتكسفوا ياكلوا قدامنا فيجرحوزا صيامنا ,, فبيضطروا لو اكلوا يكون فى اضيق الظروف وفى مكان بحيث اننا منشوفهمشى ,, محدش فرض عليهم ولا حد قالهم اعملوا كده ,,
كانوا بيعملوا كده من نفسهم ,,, دى ابسط حاجه ممكن اشارك بيها عن تجربتى الخاصه مع التعايش
فى انتظار تجاربكم ومواقفكم
بالتوفيق