إعــــــلام سىء = شعب جائـــع

السلام عليكم ورحمه الله وبركاته ..

هذا هو عنوان موضوعى اليوم الذى سنتحدث فيه عن اكثر من نقطه ..

بالرغم من ان هذه المقوله ليست لى .. ولكنها من اجمل المقولات التى سمعتها فى حياتى ,,

نبدأ باسم الله الرحمن الرحيم ..


سأقص عليكم حوارى مع اثنين من الشعب السورى ..

وأنتم حللوا واستنتجوا من كلامى شيئا ملحوظا ..

أثناء تواجدى على كافتريا بحلميه الزيتون ..

رأيت اثنين لأول مرة آراهم على قهوتى المفضله ..


الرجل .. من فضلك عايز باسوورد الراوتر .. او الواير

شاهينـ .. زيرو زيرو تاريخ الثورة

هو .. تاريخ ثورتنا ولا ثورتكم ..

انا .. هو انتم كمان ليكم ثورة ؟؟

هو .. أكيد

أنا .. اللى هو انتم مين يعنى ؟؟

هو .. احنا الشعب السورى

انا .. آآآآآه .. قول كده يا راجل .. هو انتم من سوريا ؟؟

هو .. أيوة .. ومعاها ابتسامه خفيفه

أنا .. أهلا بيكم ومنوريين .. واتمنى ثورتكم تنتهى على خير وتنتهى ليكم طبعا

هو .. الله يكرمك .. معلش اسف .. هو الباس كام تانى ؟؟

انا .. زيرو زيرو تاريخ الثورة .. ولا اقولك ؟؟ تاريخ ثورتنا احنا هههه

00 25\1\2011



جلست على اللاب الخاص بي واندمجت شويه فيما كنت افعله ..

وفجأه تطرأ إلي سؤال أردت سؤاله عليه ولكنى قلت فى بالى من الممكن أن يتم احراجى ,,

ولكن ماذا اقول فى إلحاح عقلى ونفسى علي ؟؟

قلت فى بالى أسأل وأمرى لله .. على أساس .. العلم بالشىء ولا الجهل به ..


شاهينـ .. لو سمحت

الرجل .. تحت أمرك

أنا .. هو اللى بيحصل فى سوريا دا فعلا ولا الاعلام بتاعنا مضخم الصورة ؟؟


أتعلمون ؟؟ قلت فى نفسى ان هذا الرجل سيشيط غضبا ويقول كلام بزيء عن بشار واعوانه ..

ولكنه بمنتهى الهدوء الغريب قال ..

هو .. الاعلام مكبر الصورة طبعا

أنا .. بس احنا بنشوف حاجات غريبه على التى فى وناس بتموت وأطفال مشرده ومدارس مهدومه ..

هو .. اللى بيحصل دا ما بين الشعب وبين نفسه

أنا .. يعنى الجيش وبشار مبيضربوش فى حد ؟؟ وفى نفسى بقول .. معقول اللى بسمعه ؟؟

هو .. لا طبعا الجيش مبيضربش غير اللى هما مسلحين .. ودول من القاعده والكلام دا

انا .. طب والاطفال دى برده من القاعده ؟؟

هو .. لا طبعا بس هما حظهم انهم تواجدوا فى النص ..

انا .. ازاى يعنى ؟؟

هو .. الناس بتاعت القاعده دى او المسلحين .. بياخدوا المدارس مقر ليهم فا بالتالى
الجيش بينسف المدرسه بالكامل ..

وبالنسبه للناس البريئه اللى عمال على بطال بتموت من غير ذنب ..

فا هما سمحوا لبتوع القاعده والمسلحين بدخول بيوتهم فا بالتالى برده الجيش بيضرب البيت بالكامل


أنا .. حاجه غريبه بجد اللى بسمعه منك دا

هو .. بص يا محمد .. احنا عندنا بنضرب فى ناس احنا اللى صنعناهم وللأسف مش عارفين

انا .. يعنى مش الجيش اللى بيضرب فى الشعب ؟؟

هو .. لا طبعا .. بس نقول اي على اعلام سىء بيحاول يشوه كل صورة جميله

انا .. ازاى ؟؟

هو .. اعطيني اعلام سىء .. أعطيك شعب جائع

أنا .. عندك حق فعلا .. لان دا كان بيحصل أيام الثورة بتاعتنا


وانتهى الحديث على ذلك وقلت له اتمنى ان اراك مرة أخرى ,,

وللحق كان حديث شيق جدا تعلمت منه الكثير كما أفادنى كثيرا ,,


واستنتجت من كلامه بعد ذلك .. ان اعلامنا فعلا شىء سىء وايضا اعلامهم ..

الاعلام العربى بالكامل ..

وان المستفيد الوحيد من هذه القصه هى اسرائيل ..

لانهم يريدون ان نحارب بعضنا البعض وننهى على بعضنا بأنفسنا .. وننشق عن بعضنا أيضا ,,

يريدون ان تتحول البلد الواحده إلى اربع دول .. بأربع حكام .. وهكذا ,,

ومثال على ذلك ما يحدث فى السودان وإيران وغيرهم وغيرهم ,,

واتمنى ان ينتهى الوضع فى سوريا على خير وسلام فى اسرع وقت ,,

توجد تكمله لحديثي هذا ولكنى لن أطيل عليكم .. فا البقيه تأتى منكم أنتم ,,



خالص تقديرى للجميع .. محمد شاهينـ